KULTURNY AKTIVITY

1. FESTIVAL FOLKLORU RUSIŇIV A UKRAJINCIV SLOVENSKA (46. - 49. ročnik)
2. DNI RUSINSKYCH TRADICIJIV
3. STRETNUŤA SENIORYV V RAMCI MIŠACA UCTY KU STARŠYM
4. BARVINKOVY PLESY I ZABAVY

Toto sut podujaťa, kotry sme pravidelňi organizovali, mali i majut uspich a je o nich zaujem zo strany našych obyvateľiv. Popri tomu už 10 rokyv vedu folklornyj subor BARVINOK a jem napomočnyj i pri suborach BARVINOČOK, RADOSŤ a BARVINOK seniori.

Spolupracovav jem pri organizaciji zajazdu senioryv do WADOWIC do Poľska a poďiľav jem ša i na tvorbi publikaciji o kamjunskych seniorach. Pravideľňi každyj ryk tvorju i projekty na rozvoj kamjunskoj kultury, prostrednictvom nich ša nam podarilo do obci priťahnuti tišičy eur a vytvorili sme napr. dokumentarny filmy 60 ROKYV BARVINKU a POSĽIDŇI DRYTARE Z KAMJUNKY, vytvorili sme dešatky rubašok i chološňiv pro kamjunsky subory, plagaty a propagačny veci a mnohy dalšy. Spolu so svojom ženom sme nahrali aj naše nove CD KRAJU RIDNYJ, RIDNE SELO, de prezentyjeme krasny kamjunsky špivanky.

Porychtovali sme i storočnicu od narodžiňa vyznačnoj kamjunskoj osobnosti ŠTEFANA BITTNERA, kotromu sme odhalili i pamjatnu tabuľu a tota je nainštalovana v kulturnym domi. Zorganizovali sme veľku dvojdňovu akciju 60. VYROČIE FS BARVINOK, na kotre bylo pozvanych okolo 800 byvalych členyv kamjunskych suboryv a zaštitu nad tyma oslavami prebrav prezident SR Ivan Gašparovič. Nemožu ale zabyti ani na jednorazovy aktivity jak napr. vystupiňa Divadla Alexandra Duchnoviča v saľi Kulturnoho domu, preventivno-naučna prednaška pro senioryv, koncert festivalu rusinskoj ľudovoj špivanky "Spivy moho rodu", kulturno-športovy vymjiny s našyma družobnyma selami Kamionka Wielka (Poľsko) a Ruski Komarivtsi (Ukrajina).